საბურავი არა მხოლოდ ტრაქტორის მოძრაობას განაპირობებს — მისი ტიპი განსაზღვრავს:

• მოჭიდების ხარისხს;

• ნიადაგის დაზიანების დონეს;

• საწვავის ეკონომიას;

• ტრაქტორის სტაბილურობას სხვადასხვა სამუშაოზე.

უსაფრთხო და ეფექტური მუშაობისთვის კრიტიკულად მნიშვნელოვანია წონის სწორი განაწილება, პროფილი და საბურავის ზომა.

ჰიდრავლიკური სისტემა მუშაობს ზეწოლის ქვეშ მყოფი ზეთის საშუალებით და უზრუნველყოფს:

• აგრეგატების აწევასა და დაწევას
• სამუშაო სიღრმის რეგულირებას
• დანამატების სტაბილურ და უსაფრთხო მუშაობას

თუ ჰიდრავლიკა სუსტი ან არასწორად შერჩეულია, ტრაქტორი ვერ შეძლებს აგრეგატებთან სრულფასოვან მუშაობას, მიუხედავად ცხენის ძალისა.

სარქველები განსაზღვრავს, რამდენი ჰიდრავლიკური ფუნქციის ერთდროულად მართვა შეუძლია ტრაქტორს.

სარქველების რაოდენობა პრაქტიკაში:

• 1–2 სარქველი: მცირე მეურნეობები, მარტივი აგრეგატები
• 3–4 სარქველი: საშუალო მეურნეობები, მრავალფუნქციური დანამატები
• 5 და მეტი სარქველი: დიდი მეურნეობები, რთული და კომბინირებული აგრეგატები

რაც მეტი სარქველია, მით მეტი მოქნილობა აქვს ოპერატორს სამუშაო პროცესში.

ჰიდრავლიკური წარმადობა აჩვენებს, რა რაოდენობის ზეთს ამუშავებს სისტემა ერთ წუთში (ლ/წთ).

• დაბალი წარმადობა გულისხმობს - ნელ მუშაობს და უზუსტობას.
• მაღალი წარმადობა გულისხმობს სწრაფ და ზუსტი მუშაობას.

უკანა ტვირთამწეობა მიუთითებს, რა წონის აგრეგატის აწევა შეუძლია ტრაქტორს.

საშუალო მაჩვენებლები:

• მცირე ტრაქტორები: 1.5–2.5 ტ
• საშუალო კლასის ტრაქტორები: 3–5 ტ
• მაღალი სიმძლავრის ტრაქტორები: 8.5–10.5 ტ

თუ აგრეგატის წონა აღემატება ტვირთამწეობას, იზრდება როგორც ტექნიკის დაზიანების ასევე აგრეგატის დაზიანების რისკი.

ყველაზე გავრცელებული დარღვევები ჰიდრავლიკური სისტემის მიმართ.

• აგრეგატის გამოყენება ჰიდრავლიკური მოთხოვნების გათვალისწინების გარეშე
• ზედმეტი დატვირთვა
• არასწორი ზეთის გამოყენება
• რეგულარული შემოწმების უგულებელყოფა

ამ შეცდომებმა შეიძლება გამოიწვიოს ჰიდრავლიკური სისტემის დაზიანება და სამუშაოს შეფერხება.

GT Agri-ს პრაქტიკული რჩევა

 ჰიდრავლიკა არის სისტემა, რომელიც უნდა შეესაბამებოდეს თქვენს მეურნეობას, არა მხოლოდ ტრაქტორს. GT Agri გთავაზობთ კონსულტაციას ტრაქტორისა და აგრეგატების ჰიდრავლიკური შესაბამისობის დასადგენად, ასევე სრულ სერვისსა და ორიგინალ ნაწილებს.

ტრაქტორის შერჩევისას პირველ რიგში უნდა განისაზღვროს მეურნეობის ზომა და ის სამუშაოები, რომელთა შესრულებაც ტრაქტორს დაეკისრება. ტრაქტორის სიმძლავრე უნდა შეესაბამებოდეს  იმ დატვირთვას, რომელსაც თქვენი ნაკვეთები მოითხოვს ზედმეტად სუსტი მოდელი ვერ უზრუნველყოფს ეფექტურ მუშაობას, ხოლო ზედმეტად ძლიერი ტრაქტორი გამოიწვევს არასაჭირო საწვავისა და მოვლის ხარჯებს. 

​• მცირე მეურნეობები (5 ჰა-მდე): კომპაქტური, მარტივად სამართავი ტრაქტორი 25–50 ცხ.ძ.
• საშუალო მეურნეობები (10–50 ჰა): უნივერსალური ტრაქტორი 50–110 ცხ.ძ., რომელიც გაუმკლავდება ძირითად სამუშაოებსა და დანამატებს. 
• დიდი მეურნეობები (50+ ჰა): მაღალი სიმძლავრის (110 ცხ.ძ.+) ტრაქტორები მძიმე აგრეგატით  ფართონაკვეთების დასამუშავებლად. 

ტრაქტორის შერჩევისას მხოლოდ სიმძლავრე და ზომა არ არის გადამწყვეტი – არსებობს რიგი ტექნიკური დეტალები, რომლებიც პირდაპირ მოქმედებს მის ეფექტურობაზე და უსაფრთხოებაზე.

ჰიდრავლიკური სისტემა და სარქველები – განსაზღვრავს, რამდენ აგრეგატთან შეუძლია ტრაქტორს ერთდროულად მუშაობა. მცირე მეურნეობებისთვის საკმარისია 1-2 სარქველი, ხოლო საშუალო და დიდებისთვის 3-5 სარქველი, რაც ზრდის მოქნილობას და ეფექტურობას.

წინასიმძიმეები - უზრუნველყოფს წონის ბალანსს, აუმჯობესებს მოჭიდებას და ამცირებს საწვავის დანახარჯს. საშუალო სიმძლავრის ტრაქტორებისთვის ოპტიმალურია 200–600 კგ წინა სიმძიმე. დიდი სიმძლავრის ტრაქტორებისთვის 800-1450 კგ

უკანა ტვირთამწეობა  - აჩვენებს, რა წონის იარაღის აწევა შეუძლია ტრაქტორს. მცირე მეურნეობებისთვის საკმარისია 1.5–2.5 ტ, საშუალო 3–5 ტ ხოლო დიდი მეურნეობისთვის 8.5-10.5ტ

საბურავების ზომა - შერჩეული უნდა იყოს ნიადაგისა და სამუშაო ტიპის მიხედვით: ვიწრო საბურავები ვენახებისთვის, ფართო საბურავები მძიმე ნიადაგისთვის. სწორად შერჩეული ზომა ზრდის სტაბილურობას და ამცირებს საწვავის ხარჯს.

ჰიდრავლიკის წარმადობა - განსაზღვრავს, რა სიჩქარით მუშაობს სისტემა. მაღალი წარმადობა საჭიროა მაშინ, როცა ტრაქტორი იყენებს დიდ ან მრავალფუნქციურ აგრეგატებს, წნეხამკრეფს ან სხვა მრავალფუნქციურ დანამატებს; ის ზრდის პროდუქტიულობას და ამცირებს ცვეთას.

ტექნიკის შიდა შესაძლებლობები და მომსახურება ისეთივე მნიშვნელოვანია, როგორც მისი სიმძლავრე.

» გადაცემათა კოლოფი  PowerShift ან CVT სისტემები უზრუნველყოფენ საწვავის ეკონომიასა და მართვის სიმარტივეს.

» უსაფრთხოება და კომფორტი : ფართო კაბინა, კარგი ხილვადობა, დაბალი ვიბრაცია და კონდიცირება ზრდის ოპერატორის პროდუქტიულობას.

» სერვისის ხელმისაწვდომობა: აირჩიეთ პარტნიორი, რომელიც უზრუნველყოფს ორიგინალ ნაწილებსა და პროფესიონალურ მომსახურებას.

GT Group-ის ოფიციალური სერვის ცენტრები საქართველოში უზრუნველყოფენ ტექნიკურ შემოწმებას, დროულ მომსახურებას და საგარანტიო პირობების სრულ მხარდაჭერას.

• მხოლოდ ფასზე ორიენტირება 

• ზედმეტად მაღალი სიმძლავრის შერჩევა 

• ჰიდრავლიკის უგულებელყოფა 

• საბურავების შეუსაბამო ტიპი  

• სერვისის უხარისხო ხელმისაწვდომობა